وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معنا

[فاطمة سعد]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

وعليكم السلام ورحمه الله وبركاته

جزاكم الله خيرا

ربنا يجعله فى موازين الحسنات

[لؤلؤ ومرجان]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

ما شاء الله
مبـــــــــارك المسلسل
نفع الله به
وجزاكم الله خيراااا
كل الجنود المجهولة التي عملت فيه
بوركتم

[راجيه جوار الحبيب محمد]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزيتم خيراً رااااااااااااااااااااائع جداً
جعله الله فى ميزان حسناتكم
ومبـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــارك إنطلاق المسلسل
فى إنتظار الحلقه القادمه إن شاء الله
متابعين

[moslma lillah]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

حياكم الله جميعاً
رجاء من اخوتي المراقبين
تجميع الحلقات في المشاركة الاولي للسهولة
وهذه الحلقات بروابطها :
الحلقة الاولي
الحلقة الثانية

[راجية حب الرحمن]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

رائع جدااااااااا
ربنا يحفظكم ويجزيكم خير
وياريت متقولويش رجاء تاني احنا حنط الروابط عالطول
ربنا يحفظكم

[جوا الجووون يا شباب مصــر]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

نظراً لاننا اليوم الجمعة وأجازة

فانتظروا الحلقة الثالثة بعد لحظات بإذن الله

ولا ننسي أن الليلة ليلة النصف من شعبان

التي قال عنها رسول الله صلى الله عليه وسلم :إن الله ليطلع في ليلة النصف من شعبان فيغفر لجميع خلقه إلا لمشرك أو مشاحن... فأرجى عمل يفعله العبد في هذه اللية أن ينقي قلبه من الغل والحسد وولا يحمل في قلبه إلا الحب والمودة لكل المسلمين

ربنا يرزقنا أجرها وبلغنا رمضاااااااااااااااااااااااااااااان

[Dr.Sarah || ~]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

ما شاء الله

اكثر من رائع يا اخوات

بارك الله فيكم

بس لما قطعت خطوط الموبايل كان يوم الجمعة مش الاربعاء^.^

والنت كمان :)))

[حاملة الرايه]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

ما شاء الله


اكثر من رائع يا اخوات

بارك الله فيكم


والنت كمان :)))

لا النت قطع يوم الاربع بالليل بس الموبايل قطع فعلا يوم الجمعه الصبح

[العائدة لربها]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

وها نحن بانتظار الحلقة الثالثة,,,,,,,

[جوا الجووون يا شباب مصــر]

الحلقة الثالثة

الحلقة الثالثة

مرحباً بكم مع حلقتنا الجديدة
الثالثة
حلقة مصـرية مميزة
أيام تاريخية لن تنساها أبداً مصرنا الحبيبة
بل ولن ينساها التاريخ كله
ومع

واليوووووووووووووووووووم
يوم الغضب
" جمعة الغضب "
يوم 28 يناير

وسريعاً نقول محصلة يوم 26 يناير :
* وصل عدد الضحايا إلى 7 قتلى.
* استمرار تجاهل الحكومة المصرية وجميع القنوات المصرية للأحداث.

ومحصلة يوم 27 يناير :
* اعتقال وائل غنيم ملهم الشبان في الثورة.
* بنهاية اليوم الثالث قامت الحكومة المصرية بقطع شبكات الانترنت عن مصر.
* بدأت بعض التعليقات الرسمية عن المظاهرات وإن كانت تتسم بالتهجم والاستنكار
ورفض موقف المتظاهرين.
* دعت القوى الشعبية إلى جمعة الغضب بعد الخروج من المساجد, ودعت
الأقباط للتجمع في الكنائس ثم الخروج في وقت واحد.

------
واليوم 28 يناير
جمعة الغضب

ماما تفتح التليفزيون
والقلق مالي قلبها
وتلاقي القنوات كلها بتتكلم عن مصر وحال مصر
تقلق الأم
وتقول مصر مالها ؟
وتفتح قناة الجزيرة
ومكتوب ميدان التحرير الآن - القاهرة وكأنها غزة أو دولة بها حروب ......!
وأعداد الناس مرعبة
ماما تخاف
هو في إيه ؟؟؟؟؟؟؟؟

تروح تصحّي عمر
عمر- عمر – عمر : قووووم يا عمر عشان تصلي الجمعة وشوف اللي بيحصل في البلد .
عمر وهو نايم : بلد إيه بس يا ماما حد قالك إني ضابط بوليس سيبيني أنام .
ماما : قوم يا عمر أنا قلقانة أوووووووي وخايفة على أختك مش عارفة أكلمها وهي ساكنة قريب من ميدان التحرير .
عمر : يوووووووووووووو يا ماما مصممة تصحّيني , يعني إيه اللي هيحصل يعني , شوية عيال هيجعجعوا شوية ويروّحوا يقعدوا ع القهاوي اللي كانوا قاعدين عليها .

ماما : شوية إيه بس يابني قوم شوف الأعداد قد إيه هناك ؟؟
عمر : حاضر يا ماما قايم أووووووووووف .
{وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَا أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيماً }الإسراء23

يقوم من ع السرير ويروح يبص ع التليفزيون ويندهش : إيييييييييييييييييه دا , الكلام دا عندنا في مصر ؟؟! أكيد لا طبعا , أكيد في بلد تانية .
ماما : انت مش شايف جملة " ميدان التحرير الآن – القاهرة " ؟؟!
عمر : آه صح إيه العدد دا كله يا نهار أبيض .

وتليفون البيت يرررررررررن

عمر يرد :ألو
_ يا عمر قلنا بلاش ألو دي اللي مودياك في داهية خليك في تحية الإسلام ربنا يسلمك _
المتصل : أيوة يا مان شفت اللي بيحصل ؟!
عمر : سنسسسسسن , هو إيه اللي بيحصل يا عم , والموبايلات فاصلة والنت فاصل , عندك كدة برده ؟
سنسن : يا عم دا البلد كلها كدة والدنيا مقلوبة والناس مسمين النهاردة " جمعة الغضب " وهتبقي مظاهرة مليونية , انت مش فاتح التليفزيون ؟
عمر : فاتح أهو ومذهول أنا مش مصدق .
سنسن :أنا بفكر أروح على فكرة إيه رأيك , شايف شكل الشباب اللي هناك كلهم شكلهم روش زيينا أنا عايز أروح وطروقة كمان نفسه يروح .
عمر : لا يا عم أنا مستحيل أروح , انا بخاف من التجمعات الكبيرة دي عشان انفلونزا الخنازير :) .
سنسن :يا خفيف ابقي إلبس كمامة .
عمر : لالالالالالالالالا مش رايح انتهينا .
سنسن : طيب سلام يا جبان .

ماما : بيقولك إيه صاحبك دا اتجنن ولا إيه عايزك تروح هناك ؟؟
عمر : آه عايزنا نتفسح هناك .
ماما : مستحيل , أنا قلقانة أوي على أختك وهي معندهاش تليفون بيت كدة .
عمر : خير يا ماما متقلقيش , أنا رايح أتوضى وأنزل أصلّي زمان خطبة الجمعة قربت تخلص .
_ قال صلى الله عليه وسلم : « من غسل يوم الجمعة واغتسل، ثم بكر وابتكر، ومشى ولم يركب، ودنا من الإمام، فاستمع ولم يلغ، كان له بكل خطوة عمل سنة أجر صيامها وقيامها »
[رواه أحمد وأبو داود والترمذي والنسائي وابن خزيمة وابن ماجه وصححه الألباني]
_ .

نزل عمر يصلي

وانتهت صلاة الجمعة
وبدأت الأعداد تتجمع في كل مسجد
وبدأوا يخرجوا بشكل منظم
أعداد رهيبة
في كل منطقة
وعمر مذهول
وينادوا عليه
تعالي معانا
قول لا للظلم والفساد والنهب
عمر يخاف ويجرررري يطلع على بيته
ووقف يتفرج عليهم من البلكونة
وماما تتخض من أصوات المتظاهرين تحت البيت
وتيجي جري تقف مع عمر , وتقوله ادخل يا بني لحاجة تيجي عليك طوبة ولا أي حاجة بيحدفوها ادخل ادخل .
_ لازم تربي ابنك على الشجاعة وووو _

والتليفزيون شغال طبعا لا يُقفل لإنه الوسيلة الوحيدة لمعرفة الأخبار :
والأخبار تتوالى:

المظاهرات الآن في المحافظات في أكثر من مدينة وأكثر من موقع التالية :

القاهرة
الاسكندرية
المنصورة
العريش
الزقازيق
السويس
دمياط

والأخبار بالتفصيل :

ومن الآآآآآآآآخر
محصلة يوم جمعة الغضب :
* أفلتت الأمور من يد الحكومة المصرية خاصة محافظتي السويس والأسكندرية.

* خروج المظاهرات من جميع محافظات الجمهورية بأعداد تقدر بمئات الألاف.
* تدمير كثير من مقرات الحزب الوطني وأقسام الشرطة في جميع أنحاء مصر.
* نزول الجيش المصري محاولاً فرض الأمن علي الشارع المصري ومن ثم فرض حظر التجول.
* مقتل عدد غير معلوم من المتظاهرين بأعداد بلغت في بعض التقديرات الي مائة قتيل بالاضافة الي اعتقال الالاف.
* انهيار البورصة المصرية مع خسائر بلغت 72 مليار جنيه.
* دهس سيارة تحمل لوحات معدنية لهيئة دبلوماسية العشرات من المتظاهرين وخلفت علي
الأقل 15 قتيلاً وعشرات الجرحي ووقعت الحادثة في شارع القصر العيني بجوار السفارات
الأمريكية والبريطانية وهناك تساؤلات عن طريقة تصوير الواقعة وتم الكشف لاحقاً أن السيارة
التي أصبحت حديث العامة تابعة للسفارة الأمريكية.
* دهس جموع الحاشدين بسيارات تابعة للأمن المركزي مما خلف ورائهم الكثير
من القتلى والمصابين باصابات بالغة الخطورة.

فضفضة مصرية ثورية

بعد المحاولات الأخيرة لطمس معالم انتفاضة الشعب المصري بفصل مصر عن العالم الخارجي من قبل النظام الفاسد، والتي تمثلت : في قطع الإنترنت عن مصر كلها وأيضا قطع شبكات خطوط المحمول الثلاثة :

فإننا أمام هذه الوقائع نجد أنفسنا في مواجهة نظام عاجز قد بدأ يترنح يمينا ويسارا ويلجأ إلى كافة الحلول اليائسة للتشبث بالسلطة..

ولكن هيهات فقد أبى الشعب إلا الإنتفاضة، وتوحدت القلوب والنفوس على شعار واحد سنهتف به اليوم في كل مكان

الشعب يريد... اسقاط النظام

نعم يا دنيا هذه أصواتنا نصدح بها فاسمعيها..

وليسجلها التاريخ في أنصع صفحاته..

فمصر قد انتفضت ولا مجال للتوقف الآن ونحن على بعد خطوات من منالنا بإسقاط النظام والتخلص من أذنابه

وبرغم انقطاع الإنترنت وتعثر وسائل الاتصال والتواصل بسبب التعتيم الإعلامي الذي يحاول النظام فرضه، إلّا أن المشهد القائم في مصر يبدو قاتما وسط أخبار عن موجة اعتقالات عنيفة لقيادات في المعارضة.

كان من الأجدى للرئيس وحكومته أن يظهروا على الملأ و يتحدثوا إلى الشعب مستجيبين لمطالبه التي دفعتهم للخروج في احتجاجات عارمة ،ولكن الرئيس مبارك بغطرسته المعتاده لم يكلف نفسه بطمأنة الشعب حتى بتلبية مطالبه الشرعية المتمثله في أن يسود العدل والحرية البلاد وأن يتم البت في حلول عاجلة لقضايا (زيادة الأجور، تعديل الدستور، ومحاربة الغلاء بالإضافة إلى خلق جو مناسب لتداول الحكم بطريقة ديموقراطية حرة)،

وبدلا من ذلك لجأ الرئيس ونظامه الفاسد إلى القمع والاستبداد والذي لم يعد مستغرباً من الحكومة لمواجهة المظاهرات السلمية

هل من المعقول أن تظل مصر خاضعة لحكم هذا الحاكم الذي استمر عقود و أجيال دون أن يقدم لبلده أي شيء يذكر ؟

هل من المعقول أن نرى جميع الدول الصغيرة من حولنا تنمو و تزدهر و نحن نرجع إلى الوراء و لا نتقدم ؟!!

و الذي ينمو هو أرصدة الوزراء و أعضاء مجلس الشعب و المسئولين في البلد فقط ؟؟؟

هذه المطالب التي خرجنا نطالب بها اليوم هي ذاتها التي طالبنا بها مرارا و تكرارا لمدة أربع سنوات و كانت اللامبالاه و الإستهزاء بمطالبنا هو الرد الوحيد و لم نرى أي استجابة و لا حتى لمطلب واحد !! فرأينا أنه آن الأوان كما اخترناه لأن يكون رئيساً لنا في السابق و استمر رغما عنا مدعيا فوزه في الإنتخابات أن يكون لهذه المهزلة نهاية وأن يقول الشعب كلمته له و للعالم وتتم إزاحته عن السلطة التي اغتصبها زوراً وبهتاناً لسنوات عديدة

هذه كانت بعض الأخبار التي تداولت على التلفاز وبعدها الفضفضة المصرية الثورية

الأم قاعدة منهارة ومصدومة من الأخبار والمناظر والمشاهد اللي ملت أجواء مصر ,

وعمر قاعد ساكت مذهول أيضاً ,
وأثناء حالة الذهول هذه يرررررررن التليفون :

عمر : ألو

طروقة: انت يا عم النونو انت هتفضل نونو كتير , أنا روحت ميدان التحرير أنا والشلة .
عمر : بجد ؟
طروقة : ومش هتصدق مين جت معانا
عمر : مين يا عم اخلص أنا مش فايقلك ومفييش مخ أصلا أفكر به ؟.
طروقة : نانسسسسسسسسي .
عمر : إييييييييييييييييييه ؟ بقي الهانم متجيش تقابلني وتروح المظاهرات !!
طروقة : يا عم اسكت تقابلك إيه ! انت مش شايف الدنيا عاملة ازاي ! دا في ناس ماتت يا عمر واتقتلت دفاعاً عن مصر الغالية , أنا شفتهم بعيني يا عمر
_ وطروقة صوته اتخنق ويبكي _ .
عمر ساكت وبيفكر في الكلام واتأثر قليلاً : طيب أنا . أنا . أنا . أنا _وبصوت واطي عشان ماما_ عايز آجي معاكوا ميدان التحرير .
طروقة : ايه ؟! قشطة يا برنس هعدي عليك بكرة إن شاء الله عشان هيبقي في اعتصام بقى ومش هنروح البيت .
عمر : بس أنا خايف على ماما , بص ربنا يسهل , سلام .

عمر عمّال يفكر :
الناس كلها هناك اشمعنا أنا
كل الشلة بتاعتي هناك اللي أنا كنت القائد عليهم بمشّيهم زي ما أنا عايز !
دا حتي نانسي هنااااااك طب ليه ؟
دا الموضوع بجد مش مجرد مظاهرة وهتعدي زي زمان .
دا مشترك في المظاهرة دي مش الناس المتدينة المعقدة لا دول بنات وشباب عاديين جدا زيي طب اشمعنا أنا ؟
أنا اينعم مصر كانت لا تُعني لي شيئاً ومكنتش بحبها نهائي وكنت عايز أسيبها وأهاجر منها
بس لالالالالا مستحيل أسيبها
أنا مش عارف مالي إيه الإحساس اللي أنا فيه دلوقت دا ؟
حاسس ان مصر دي شيء بيجري في دمي ومكنتش حاسس به
دلوقت حاسس به أووووووي
وحاسس ان الشيء دا في خطر
يعني معناه ان أنا في خطر ....... لأنها ببتجري ف دمي .
بحبك يا مصـر ... بحبك يا مصـر

عمر – عمر فوووووووووووق مصر إيه دي اللي هتحبها ! مستحيــــل ازاي هتحل مكان نانسي حبيبتك قوم اشربلك سيجارة روّق بالك وانسي الإحساس الفقر دا , واسمع شريط موري حبيبك يهدّيك
وطروقة دا أنا هورّيه ...
عمر : انت ميييييييييييييين ؟
أنا إبليس _ نعوذ بالله منه _

عمر : _ أعوذ بالله من الشيطان _ .

ويروح عمر لوالدته : ماما حبييتي مش نفسك تطمني على زينب _ أخته _ ؟؟؟

ماما : آه طبعا يابني أنا قلقانة جداااا عليها وعلى البلد .

عمر : ربنا يستر يا ماما , طب إيه رأيك نروحلها وأخدك تقعدي عندها شوية كام يوم بحيث تطمنوا بعض وتهونوا على بعض !! .

ماما : بجد يا عمر ؟ طب ياريت يا حبيب قلبي وانت هتبقي معانا طبعا .
عمر : امممممممم آه طبعا هبقى معاكوا أمال مين اللي هيوصلك يا ست الكل , بس ممكن أبقى أعدي أقعد مع أصحابي شوية في الميدان .
ماما : إييييييييه ؟ ميدان ايه ؟
عمر :ميدان التحرير يا ماما .
ماما : انت اتجننت يا واد ؟ عايز تروح تموت هناك ؟
عمر والكلمة أثرت فيه :أموت ! ياااااا يا ماما انتي تتخيلي ان ابنك يموت الموتة الحلوة دي ؟؟ طب يااااااااريت .
ماما وبتصوت في وشه ومع ضربه ضرب خفيف ومع العياط : اسكت خاااااااااااااالص ,

وخدته في حضنها وتقوله : مستحيـــــــــــــــل .

_ في أهل من خوفهم على ولادهم عايزنهم يمشوا جنب الحيط مش جنب الدين

عشان بتوع الدين والحق بيتاخدوا في ابو زعبل من غير كلام
وربنا بيقول " وليخش الذين لو تركوا من خلفهم ذرية ضعافا خافوا عليهم فليتقوا الله "
وازاي خوفهم عليهم دا بيحول الأولاد إلى حالة تمرد تتجه لاتجاه عصبية وجاهلية مش ولاء وبراء للدين _

عمر يفوّق نفسه: يلا بقي يا ست الكل حضري نفسك بسرعة قبل حظر التجوال ما يبدأ .

ماما والدموع لا تفارقها : حاضر يا حبيبي .

عاجل :النيران تشتعل بمقر الحزب الوطني الرئيسي على كورنيش النيل

1. قسم الأزبكية يشتعل احتراق سيارات الشرطة امامه

2. r.n.n | شبكة رصد راصد الإسكندرية : مؤكد اشتعال أغلب الأقسام بالإسكندرية .. قسم باب شرق , قسم المنتزه , قسم الرمل , قسم سيدي جابر .

1. r.n.n | شبكة رصد مراسل الجزيرة: احتراق مبني محافظة الأسكندرية بالكامل وكذالك بعض أقسام الشرطة

الأم مرعوووووووووووبة : حرق السجون !! طب ليـــه ؟ مش المظاهرة دي سلمية ! الله يخرب بيت المظاهرات على المتظاهرين على مخترع الفكرة كلها , دول عايزين يخربوا البلد عايزين يدمروا مصر , وعيااااااااااااااااط .

عمر : اهدي بس يا ماما , ربنا يستر ربنا يستر , أنا مش فاهم حاجة خالص من اللي بيحصل دا .

ماما : ولا أنا يابني , دي خطة لتدمير مصر , وانت عايز تروح هناك وتشارك في كدة ؟

عمر : اممممممممممممممم والله منا عارف بقي , يلا حضرتي حاجتك ؟؟ أنا هنزل اسخن العربية لحد ما تجهزي .

وهو نازل يسمع صوت ضرب نار
_ قلبه ارتعد _
والأم فتحت الباب جرري تلحلقه : عمرررررررررررر ابننننننننني , عمررررررررررررررررررر .
عمر : أيوة يا ماما أنا هو متقلقيش .
ماما : اطلع بسرررررررررعة , اطللللللللللللع .
ويطلع عمر وماما تخده في حضنها وتعيط : أنا خايفة أوي يا عمر خايفة أووووووووووووي , تعالى نصلي جماعة اهدي شوية .

عمر : ماشي يا أمي , يعني مش هنخرج ؟

ماما : مش عارفة وضرب النار اللي برا دا ؟؟

عمر : يا ماما ربنا معانا إن شاء الله , تعالي نصلي ونتوكل على الله .

وصلّوا وهِديوا بالفعل وحضّروا نفسهم وقفلوا الشقة كويس جدااااا وتوكلوا على الله .

وعمر يتصل بسرعة قبل ما ينزل بطروقة ويقوله انه احتمال يجيله وهيودي والدته عند أخته القريبة من ميدان التحرير , بس المشكلة بقي هيتقابلوا هناك ازاي ومش معاهم موبايلات .......... ربنا يسهلها من عنده .

وعمر ووالدته يتوكلوا علي الله

وماما تطلب من عمر يشغل قرآن وهم ماشيين ,
يدوّر عمر على أي شريط قرآن في العربية إنما للاسف ميلاقيش كلها شرايط أغاني , فيشغل إذاعة القرآن الكريم

ويا الله أول مرة العربية يتشغّل فيها قرآن

وعمر حاسس براحة عجيبة .

_سبحان الله راحة كلام الله والرجوع له _ .
.
الطريق عند أخته مقفول ,
الشرطة قافلاه , لأنها قريبة من ميدان التحرير ,
ويكلم عمر ضابط الشرطة ويقوله :أنا رايح عند أختي وأمي قلقانة عليها .
ويرد ضابط الشرطة بكل سوء أدب واحتقار ووقاحة : ولاااااا روّح أحسنلك بدل ما أفش غِلّي فيك .
عمر يتعصب من أسلوب الضابط وكان لسه هيتخانق معاه فوالدته اترجّت الضابط : بالله عليك يا بني عايزة اطمن على بنتي هي ساكنة في ... والموبايلات مقفولة وهي معندهاش تليفون أرضي , حس بيا يابني عايزة أطمن عليها , واحنا أصلا مش طايقين المظاهرات اللي دمرت البلد دي .

أول ما قالت الكلمة الأخيرة دي سمح لهم يعدوا .

ووصلوا وطلعوا العمارة بسرعة
لإن ضرب النار شغّال
وفي طائرات حرب عمالة تحوم حولين الميدان وماما تشوفها تترعب أكثر .

ووصلوا عند زينب _أم معاذ _

وماما خدتها بالحضن

ولقت زينب منهااااااااارة من العياط

في ايه يا زينب مالك ؟؟؟؟؟؟

يا ترى زينب مالها ؟؟
ويا ترى عمر هيروح الميدان ولا لأ ؟
ويا ترى هيعمل ايه مع ماما ؟؟
وايه اللي هيحصل ؟؟؟؟؟؟

هذا ما سنعرفه في الحلقة القادمة بإذن الله

هدايا الحلقة

نشيد عن مصر متسألنيش
http://www.archive.org/download/way2allah_444/VerYDescargarVideo-Atadoacrist.mp3)

[العائدة لربها]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزاكم الله خيرا لا تتأخروا علينا بالحلقة الرابعة

[محبة الإيمان]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

ما شاء الله .. ما شاء الله
هذا ليس غريبا عن شعب مصر الابى التقى
ربنا يبارك فى مصر ويحفظها من كل سوء ويجعلها الرائدة ياااا رب
بارك الله فيكم ومتابعة بإذن الله
ونرجوا عدم التاخير

النشيد رااائع جدا اللهم بارك
وعالعموم اى نشيد عن مصر حلو

[Dr.Sarah || ~]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

راااااااااائع

تسجيل متايعة

[فاطمة سعد]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

ما شاء الله .. ما شاء الله
اللهم احفظ مصر من كل سوووووووء
بارك الله فيكم ومتابعة بإذن الله
جزاكم الله الخير على الجهد الراااااااااااااااائع

النشيد رااائع جدا اللهم بارك
وفعلا عن مصر لا تسال
لانها هى ام الدنيا

[اللؤلؤه المصونه 90]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

ما شاء الله رائعه بارك الله فيكم

أنتظر باقى الحلقات بفارغ الصبر